Адресше: 424000, Марий Эл Республик,
Йошкар-Ола, Пушкин урем, 28-ше пӧрт.
Тел./факс.: (8362) 64-15-99
E-mail: nb.chavajn@mari-el.gov.ru
Паша жап: Шочмо – изарня: 9-00 - 19-00
Шуматкече, рушарня: 9-00 - 16-00
Кугарня: каныш кече
Марий АССР искусствын заслуженный деятельже, Марий Элын калык писательже Николай Михайлович Арбанын (Деревяшкинын) (1912-1995) шочмыжлан 105 ий темме лӱмеш «Муро гай илыш» («Жизнь как песня») книга ончерым С. Г. Чавайн лӱмеш кугыжаныш книгагудын краеведений пӧлкаштыже чумырымо. Книга ончер 10 декабрь марте шуйна.
С. Г. Чавайн лӱмеш калыкле книгагудын краеведений пӧлкаштыже Михаил Николаевич ЯНТЕМИРЫН шочмыжлан 130 ий темме лӱмеш «Тӱҥалтыш ошкыл» («У истоков краеведения») книга ончерым чумырымо. Тудо марий кундем нерген 12 книган да ятыр статьян авторжо.
Книга ончер ноябрь мучаш марте шуйна.
21 ноябрьыште «Марий краевед» клубын черетан погынымашыже ученый-краевед М. Н. Янтемирлан пӧлеклалтеш. Тудо Морко поселкысо М. Н. Янтемир лӱмеш краеведческий музейыште эртаралтеш. 10 шагатлан тӱҥалеш.
Пагален ӱжына!
Пагалыме лудшо-влак!
Чавайн лӱмеш каклыкле книгагудо электронный базым ешарымаште умбакыжат пашам ышта. «У вий» журналым 1926- 1936 ийлан полнотекстовой форматыш кусарыме. Журнал содержанийым лудаш лиеш книгагудын сайтыштыже, «Марий йылме корпуслан материал-влак» лӱман ужашыште.
С. Г. Чавайн лӱмеш калыкле книгагудын краеведений пӧлкаштыже писатель-драматург, кугыжаныш пашаеҥ, Марий АССР Кугыжаныш премий лауреат, МАССР искусствын заслуженный деятельже, Республик Марий Элын калык писательже, РСФСР культурын заслуженный пашаеҥже, Марий АССР исусствын заслуженный деятельже Николай Федорович Рыбаковын (Миклай Рыбаков) (1932-2004) шочмыжлан – 85 ий темме лӱмеш «Марий Элын тале эргыже» («Талантливый сын земли марийской») книга ончерым чумырымо. Книга ончер 10 ноябрь марте шуйна.
С. Г. Чавайн лӱмеш калыкле книгагудын краеведений пӧлкаштыже марий калыкын автономный областьшым ыштыме нерген декретым лукмо кечылан (1920) «Цвети мой край мари!» книга ончерым чумырымо.
Книга ончер 10 ноябрь марте шуйна.
Пагален ӱжына!
С. Г. Чавайн лӱмеш калыкле книгагудын краеведений пӧлкаштыже лӱмлӧ актер, Марий АССР да Россий Федерацийын сулло артистше Геннадий Романович КОПЦЕВЫН (1942–1994), шочмыжлан 75 ий темме лӱмеш «Калыкын уста эргыже» («Талантливый сын своего народа») книга ончерым чумырымо. Книга ончер 1 ноябрь марте шуйна.
Пагален ӱжына!
С. Г. Чавайн лӱмеш калыкле книгагудын краеведений пӧлкаштыже лӱмлӧ композитор, фольклорист, Марий АССР исусствын заслуженный деятельже Кузьма Алексеевич СМИРНОВЫН (ОШЛАМАРИЙЫН) (1917-1963) шочмыжлан 100 ий темме лӱмеш «Марий калык мурым погышо композитор» («Композитор – собиратель народных песен») книга ончерым чумырымо.
Пеш шукерте ожно Юл эҥер гыч Урал курык марте акрет калык илен. Тудым кызыт финн-угор калык маныт. Тиде лӱм ты тӱшкаш пурышо кок кугурак калыкын – финн да венгрын (вес семынже нуным угор маныныт) – лӱмышт гыч шочын. Финн-угор кугезе калык ончыч ик верыште илен, ик йӱлам кучен. Но эркын кыл лушкен, илен-толын, тӱрлӧ калык шарлен: финн, венгр, эстон, марий, мордва, удмурт, коми, карел, хант, манси, вепс, ижор, водь, лив, саам. Нуно чыланат родо-тукымлан шотлалтыт да йылмыштат ик тӱшкаш, ик ешыш пурат.
Тиде кечын республикысе тӱҥ книгагудышто весела пайрем кумыл озаланен - Сергей Григорьевич Чавайнлан сылнымут пӧлемым почмо. Книгагудо тудын лӱмжым 35 ий нумалеш.
Пайремыш шуко калык погынен. Ик эн шергакан уналан тудын уныкажым Сергей Юрьевич ден кугезе-кугезе Матвей уныкажым шотлыман. Шергакан мутмастарым поро шомак дене Марий Эл Республикын Правительстве Председательжын икымше алмаштышыже, тӱвыра, печать да калык паша шотышто министр Михаил Зиновьевич Васютин, тӱвыра министрын алмаштышыже Александр Михайлович Одинцов, Марий Эл Республикын Кугыжаныш погынжын пресс-секретарьже Александр Алексеевич Петров шарналтышт. Тыгак писатель, художник, журналист, тӱвыра да сымыктыш пашаеҥ-влак лийыныт.
Прозаик, Чуваш шанче да сымыктыш академийын академикше Станислав Гурьевич Отрыванов книгагудылан «Танец журавля» ден «Чужие на своей земле» роман-влакым пӧлеклен. Тыште мемнан современникна-влакын илышышт, тусо изи да кугу ойгышт, нужналык гычын ӱшан да йӧратымаш дене лекташ шонымышт ончыкталтын.
