С. Г. Чавайн лӱмеш калыкле книгагудын краеведений пӧлкаштыже ученый-фольклорист, филологий науко доктор, Марий Эл Республикын Кугыжаныш премий лауреат, Марий АССР наукын заслуженный деятельже Александр Ефимович КИТИКОВЫН (1929-2013)  шочмыжлан – 90 ий темме лӱмеш  («Калык ойпого – тудын пӱрымашыже») книга ончерым чумырымо.

Изарнян, пургыж тылзын 21-ше кечынже 11 шагатлан С. Г. Чавайн лӱмеш калыкле книгагудын краеведений пӧлкаштыже «У старт. 55+» проект негызеш Марий ССР-ын сулло сымыктыш пашаеҥже, Россий Федерацийын сулло сӱретчыже Иван Михайлович Ямбердов дене вашлиймаш эртаралтеш.

Кумылан-влакым пагален ӱжына!

2019 ий 7 февральыште С. Г. Чавайн лӱмеш калыкле книгагудын краеведений пӧлкаштыже «Марий краевед» клубын 116-ше погынымашыже эртыш. Тудо марий поэт Михаил Иванович Якимовын 90 ияш лӱмгечыжлан пӧлеклалте.

Клубын вуйлатышыже Алексей Максимович Клёнов погынымашым почо, поэтесса Валентина Михайдаровна Изилянова ден театровед Наталия Ивановна Кульбаевам эртыше лӱмгечышт дене саламлыш. Марий Эл республикын тӱвыра, печать да калык-влакын пашашт шотышто министрын алмаштышыже Михаил Иванович Матвеев уна-влакым саламлыш, поэтын поро лӱмжым шарналтыш.

С. Г. Чавайн лӱмеш калыкле книгагудын краеведений пӧлкаштыже «Унчо – финн-угор тӱнян тӱвыра рӱдолаже» ончерым чумырымо.

Ӱмаште, вӱдшор (апрель) тылзын 7-10-шо кечылаште,  Эстонийысе Обиница селаште финн-угор калыкын II форумышт эртен. Тушто 2019-ше ийыште «Финн-угор тӱнян тӱвыра рӱдолаже» лӱмым налшашлан тӱнямбал кӱкшытан конкурс лийын. Ты чап лӱмым Унчо села сулен налын. Тачысе кечылан тыгай лӱмым вич ял ден олалан: Удмурт Республикысе Быги ялллан (2014), Обиница селалан (2015), Венгрий гыч Искасентдьерт яллан да Веспрем олалан (2015), Карелийысе Вокнаволок яллан (2017) – пуымо.