Антуан Мари Жан-Батист Роже де Сент-Экзюпери — француз писатель, профессионал летчик.
Авторын илышыштыже кок чон йӧратымашыже лийын. Тиде авиаций ден литератур. Лач сылнымут саскажак тудым тӱня мучко чапландарен. Антуан де Сент-Экзюпери икмыняр произведенийым возен, но тӱнямбал чапым тудлан «Изи принц» повестьше конден. Писательын илышыштыже тӱрлӧ оҥай событий-влак лийыныт. Автор чонжо дене романтик да философ лийын, тудо моткоч оҥайын пӱртӱсыштӧ улшо явлений-влак нерген класкален моштен да уло тӱням аралаш ӱжын шоген.