С.Г. Чавайн лÿмеш калыкле книгагудо тений 140 ияш лÿмгечым палемда. Тидын вашеш Почмо омса кечым да Марий тиште кечылан пӧлеклалтше пайремым теле тылзын 9-ше кечынже эртарен. Мемнан Книга палате пӧлка «Тамгам сÿретлена» мастар-классым эртарен. Кӧ книгагудыш тиде кечын толын, кажныже гаяк тамгам сÿретлаш да тудын мом ончыктымыжым пален налаш вашкен.

14 декабрьыште 15-00 шагатлан С. Г. Чавайн лӱмеш кугыжаныш книгагудын конференц-залыштыже книга пайрем эртаралтеш. Тудо «Марий Биографий Энциклопедий» савыктышлан пӧлеклалтеш. Тудын авторжо кундемнан чолга журналистше, мер пашаеҥ Валерий Александрович Мочаев. Пагален ӱжына!

9 декабрьыште С.Г.Чавайн лӱмеш книгагудышто лудшо-влаклан Омса почмо кече эртен. Тудо книгагудылан 140 ий темме лӱмеш да Марий тиште кечылан пӧлеклалтын. Тиде пайремыш краеведений пӧлкат ушнен. «Сылнымут караоке» («Литературный караоке») лӱман акцийым эртарен. Пайремын унаже-влак С. Г. Чавайнын «Ото» почеламутшым тӱрлӧ йылме дене лудыныт. Почеламут марий, руш, курыкмарий, татар, чуваш, немыч, англичан, финн, эстон, венгр, туркмен, азербайджан, узбек, украин йылме дене йоҥген.

9 декабрьыште С.Г.Чавайн лӱмеш книгагудышто лудшо-влаклан Омса почмо кече эртен. Тудо С.Г.Чавайн лӱмеш кугыжаныш книгагудылан 140 ий темме лӱмеш да Марий тиште кечылан пӧлеклалтын.  Социально-экономический пӧлкат тиде пайремыш ушнен. Пӧлкаште «Марий караоке» мероприятий эртен. Вашлиймашым уста гармоньчо да мурызо Владимир Николаевич Романов сӧрастарен.

Тиште – тошто марий мут. Тудо иктаж-могай палым, тамгам ончыктен. Марла возыктыш кечымат тиште манаш пунчалме. Тамгам пушеҥгыш кÿзö дене сонарзе-влак, мландыш кольмо дене мланде пашаеҥ-влак пыштеныт, кажне суртын шке тамгаже лийын: тамга еш кугытым, тукым ойыртемым ончыктен, тыгак тамгам документыш подпись семын шынденыт, тувыр вачышкат тÿрленыт. Тиште кече – тиде мемнан ушнан, моштымашнан, возаш тунем шушо калыкын кушкын шумыжо. Возыктышна кужу корным эртен.

Марий Тиште кече вашеш «Шочмо йылме – чон поянлык» («Родной язык – богатство души» книга ончерым С. Г. Чавайн лӱмеш кугыжаныш книгагудын краеведений пӧлкаштыже ямдылыме. Книга ончер 20 декабрь марте шуйна.
Пагален ӱжына!

Шочмо йылме – чон поянлык.

Марий АССР искусствын заслуженный деятельже, Марий Элын калык писательже Николай Михайлович Арбанын (Деревяшкинын) (1912-1995) шочмыжлан 105 ий темме лӱмеш «Муро гай илыш» («Жизнь как песня») книга ончерым С. Г. Чавайн лӱмеш кугыжаныш книгагудын краеведений пӧлкаштыже чумырымо. Книга ончер 10 декабрь марте шуйна.

С. Г. Чавайн лӱмеш калыкле книгагудын краеведений пӧлкаштыже Михаил Николаевич ЯНТЕМИРЫН  шочмыжлан 130 ий темме лӱмеш «Тӱҥалтыш ошкыл» («У истоков краеведения») книга ончерым чумырымо. Тудо марий кундем нерген 12 книган да ятыр статьян авторжо.

Книга ончер ноябрь мучаш  марте шуйна.

21 ноябрьыште «Марий краевед» клубын черетан погынымашыже ученый-краевед М. Н. Янтемирлан пӧлеклалтеш. Тудо  Морко поселкысо М. Н. Янтемир лӱмеш краеведческий музейыште эртаралтеш.  10 шагатлан тӱҥалеш.

Пагален ӱжына!

Выставка к 130-летию со дня рождения М. Н. ЯНТЕМИРА мар.яз.

Пагалыме лудшо-влак!

Чавайн лӱмеш каклыкле книгагудо электронный базым ешарымаште  умбакыжат пашам ышта. «У вий» журналым  1926- 1936 ийлан  полнотекстовой форматыш кусарыме. Журнал содержанийым лудаш лиеш книгагудын сайтыштыже, «Марий йылме корпуслан материал-влак» лӱман ужашыште.