Сӱрет мастарын сылне мутшо

31.10.2022 | 321 просмотра(ов)

3 ноябрьыште 12 шагатлан С. Г. Чавайн лӱмеш калыкле книгагудын краеведений пӧлкаштыже Марий Эл Республикын сулло сӱретчыже Валерий Александрович Боголюбовын «Кава тӱр» книгажын презентацийже лиеш.

Морко кундемысе Ильинский ялын шочшыжо Валерий Боголюбов ты книгаж дене лудшо деке поэт семын лектын. Южо почеламутшым 1978 ийыштак возымо. Сылнымут корнылаже тудын кӱрышталтше корнан да шонымашан улыт. Почеламут-влакым ойыркалыме знак деч посна возымо, тиде книгам шымленрак лудаш тарата.

Валерий Боголюбовын чия мастарлыкшат шкешотан: графике ден живопись икте-весыштым вияҥден ушналтыныт. Поэзийыштыжат тыгак: чоҥалтме ойыртем ден шонымашым, шижмашым почын пуымо ойыртем шкешотан тӱсым пуат.

«Кава тӱр» книган презентацийышкыже Валерий Боголюбовын коллегыже, йолташыже, студент да художникын поэзий мастарлыкше дене палыме лияш шонышо кумылан-влакым пагален ӱжына.

 

Mari