Сем аланыште – илышем

14.02.2022 | 203 просмотра(ов)

17 февральыште 15 шагатлан С. Г. Чавайн лӱмеш калыкле книгагудын краеведений пӧлкаштыже «Марий краевед» клубын черетан погынымашыже лиеш. Погынымаш марий шанчызе, музыковед, фольклорист, искусствоведений доктор,  Марий Эл Республикысе сымыктышын сулло пашаеҥже, Олык Ипай лӱмеш Марий комсомол премийын лауреатше Олег Михайлович Герасимовын 85 ияш лӱмгечыжлан пӧлеклалтеш.

О. М. Герасимов 1937 ий 16 февральыште  Татарстан кундемысе Менделеевский районысо Элнет ялыште шочын. Олег Михайлович – тале педагог, музыковед, шымлызе, фольклорист. Тудын шымлыме сферыже – республикын профессиональный музыкальный искусствыжо, марий композитор-влакын творчествышт да фольклор творчестве.

Погынымашыш музыковедын йолташыже, тутыктышо, краевед, этнограф, шымлызе-влакым ӱжмӧ. Кумылан-влакым пагален вучена!

Mari