МАРИЙ КРАЕВЕД. Лӱмлӧ археолог

26.09.2022 | 378 просмотра(ов)

29 сентябрьыште 15 шагатлан С. Г. Чавайн лӱмеш калыкле книгагудын конференц-залыштыже «Марий краевед клубын» черетан погынымашыже лиеш. Тудо лӱмлӧ шанчызе-археолог  Валерий Степанович Патрушевын 80 ияш лӱмгечыжлан пӧлеклалтеш.

Валерий Степанович – Марий кугыжаныш университетын профессоржо, историй науко доктор, Российысе общественный калык академийын да Российысе Гуманитарный академийын академикше, Россий Федерацийысе кӱшыл профессиональный образованийын почётан пашаенже, Марий ССР наукын сулло пашаеҥже, Марий Эл республикысе Кугыжаныш премийын лауреатше, «Фенно-угрика» тӱнямбал обществе правленийын, Кастрен ушемын, Финн археологий обществын членже.

Валерий Степанович Патрушев шке илышыжым финн-угор калык-влакын историйыштым да тӱвыраштым археологий могырым шымлыме пашалан пӧлеклен. Марий шанчыеҥ Российыштат ик эн ончыч археологий материал-влакым статистике могырым иктешлаш тӱҥалын, Российысе да тӱнямбал научный мероприятийлаште, археологий экспедицийлаште участвоватлен, Финляндийысе, Санкт-Петербургысо, Москвасе, Озаҥысе университетлаште лекцийым лудын.

Клубын погынымашышкыже юбилярын коллегыже-влакым, краевед, этнограф, туныктышо, музей пашаеҥ-влакым ӱжмӧ.

Кумылан-влакым мероприятийыш пагален ӱжына!

 

Mari