16 декабрьыште 16 шагатлан С. Г. Чавайн лӱмеш калыкле книгагудын краеведений пӧлкаштыже «Марий краевед» клубын черетан погынымашыже лиеш. Погынымаш Российын сулло, Марий Эл Республикын калык художникше, Марий АССР-ын Кугыжаныш премийын лауреатше Измаил Варсонофьевич Ефимовын 75 ияш лӱмгечыжлан пӧлеклалтеш.

Измаил Ефимов – живописец, этнофутурист, Россий Президент пеленсе пашам ыштыше геральдический комиссийын членже, Марий Эл Республикын 2011 ий марте улшо герб да флагын авторжо.
Клубын погынымашышкыже чыла кумылан-влакым пагален ӱжына!