МАРИЙ КАЛЫК МОДЫШ-ВЛАК. «ПЕЛЕДЫШ ЫЛЫЖЕШ» («ЦВЕТОК ОЖИВАЕТ»)

11.06.2024 | 40 просмотра(ов)

Шергакан йолташ-влак, ме таче тендам «Пледыш ылыжеш» лӱман модыш дене палдарена.

Модшо-влак оҥго семын йыр шогалыт. Покшеке кум-ныл еҥ верлана. Оҥго йыр шогышо-влак мурат, а покшелне улшышт мурышто мо нерген ойлалтмым койышышт дене ончыктат. Модшо-влак мурат.

Кече шыргыж ончалеш –

Пеледышна лывыжга.

Покшелне улшо-влак вуйыштым сават.

Кече утыррак пелта –

Пеледышна ялт кошка.

Покшелне улшо-влак кидыштым ӱлык сакат.

Кече утыр когарта –

Пеледышна кадырген,

Мланде деке шуылден.

Покшелне шогышо-влак лап лийын шинчыт.

Вӱдым меже шавена –

Ылыжеш пеледышна.

Покшелне шогышо-влак эркын кынел шогалыт.

Оҥгышто улшо-влак, муралтен, йыр пӧрдыт, покшелне улшышт куанен тошкыштыт.

Модса йолташда-влак дене, ешда дене пырля модса!

 

Вниманию читателей представляем список литературы по представленной теме из фонда Национальной библиотеки имени С. Г. Чавайна:

  1. Китиков, А. Е. Марий калык модыш / А. Е. Китиков. – Йошкар-Ола, 1990. – 60 с.
  2.  Марий калык модыш-влак = [Марийские народные игры] / С. Д. Архипова ямдылен. – Йошкар-Ола, 2012. – 111 с.
  3. Марий калык ойпого : хрестоматий / В. Т. Михайлов ямд. – Йошкар-Ола, 2011. – 358 с.
  4.  Марийские народные игры / составитель Архипова Светлана Дмитриевна. – Йошкар-Ола, 2020. – 119 с. : ил.
  5. Михайлов, В. Т. Марий калык ойпого = [Устное народное творчество мари] : туныктымо пособий = [учебное пособие] / В. Т. Михайлов. – Йошкар-Ола, 2012. – 310 с.
  6. Петухова А. Н. Детский фольклор народа мари / А. Н. Петухова. – Йошкар-Ола, 2004. – 288 с.

 

Материал подготовила Миниахметова Л. И., ведущий библиотекарь отдела социально-экономической литературы

 

Mari