Шергакан йолташ-влак, ме таче тендам «Ойлал колто, Ванюша!» лӱман модыш дене палдарена.

Модшо-влак оҥго йыр кид кучен шогалыт. Оҥго покшек ойырымо еҥ (Ванюша) лектеш. Тудын йыр пӧрдын, тыге мурат:

– Ойлал колто, Ванюша, кузе эрден кынельыч?

Кажне йодыш, шомакым кок гана мураш лиеш.

Ванюша пеле муралтен вашешта да оҥарен ончыкта:

– Ваня тыге, Ваня туге: теве тыге – вот кузе!

– Ойлал колто, Ванюша, кузе тувырым чийышыч?

– Ваня тыге, Ваня туге: теве тыге – вот кузе!

– Ойлал колто, Ванюша, кузе кемым чийышыч?

– Ваня тыге, Ваня туге: теве тыге – вот кузе!

– Ойлал колто, Ванюша, кузе упшым упшальыч?

– Ваня тыге, Ваня туге: теве тыге – вот кузе!

– Ойлал колто, Ванюша, кузе уремыш ошкыльыч?

– Ваня тыге, Ваня туге: теве тыге – вот кузе!

– Ойлал колто, Ванюша, кузе пече гоч тӧрштышыч?

– Ваня тыге, Ваня туге: теве тыге – вот кузе!

– Ойлал колто, Ванюша, кузе йолашым кушкедыч?

– Ваня тыге, Ваня туге: теве тыге – вот кузе!

– Ойлал колто, Ванюша, могай мурым йӧратет?

– Ваня тыге, Ваня туге: теве кузе муралта!

Ваня йӧратыме мурыжым муралтен колта.

Модышлан вес йодыш-влакымат келыштарат. Тидыже оҥгышто шогышо еҥын койыш-шоктышыж дене кылдалтеш. Машина дене ыштыше еҥ гын – машина кудалмым, мӱгырымым; вольык ончышо гын – вольык кудалме, ломыжмо да молымат келыштараш лиеш.

Модса йолташда-влак дене, ешда дене пырля модса!

Вниманию читателей представляем список литературы по представленной теме из фонда Национальной библиотеки имени С. Г. Чавайна:

1. Китиков, А. Е. Марий калык модыш / А. Е. Китиков. – Йошкар-Ола, 1990. – 60 с.
2.  Марий калык модыш-влак = [Марийские народные игры] / С. Д. Архипова ямдылен. – Йошкар-Ола, 2012. – 111 с.
3. Марий калык ойпого : хрестоматий / В. Т. Михайлов ямд. – Йошкар-Ола, 2011. – 358 с.
4.  Марийские народные игры / составитель Архипова Светлана Дмитриевна. – Йошкар-Ола, 2020. – 119 с. : ил.
5. Михайлов, В. Т. Марий калык ойпого = [Устное народное творчество мари] : туныктымо пособий = [учебное пособие] / В. Т. Михайлов. – Йошкар-Ола, 2012. – 310 с.
6. Петухова А. Н. Детский фольклор народа мари / А. Н. Петухова. – Йошкар-Ола, 2004. – 288 с.

Материал подготовила Миниахметова Л. И., ведущий библиотекарь отдела социально-экономической литературы