У ий – кажне икшывылан кугу куан. Нунылан тудо мондаш лийдыме лийже манын, тӱрлӧ таҥасымашым, модышым эртараш йӧра. Телым лум йырваш кия. Садлан кажне йочалан лум дене кылдалтше модыш оҥайла чучеш.

Теве Йӱштӧ Кугызан мешакше гыч пӧлекым налаш манын, тыгай модыш келшен толеш. Йоча-шамыч да кугыеҥ-влакат оҥгыш шогалыт. Икте-весылан кагаз але куэм гыч ыштыме «лум чумыркам» пуэдат.

– Лум чумыркам налына,

Кумыт марте шотлена.

Икыт, кокыт, кумыт!

А тылат, йолташ, шонаш:

Кушталташ я муралташ! –

тыгерак манеш Йӱштӧ Кугыза.

Тиде жапыште кӧн кидыште «лум чумырка» лиеш, тудо шке шонымыжым але каласыме тӱрлӧ сомылым шукта. Тылеч вара Йӱштӧ Кугыза тудлан пӧлекым кучыкта. Саде еҥ модыш гыч лектеш.

Модса йолташда-влак дене, ешда дене пырля модса!

Вниманию читателей представляем список литературы по представленной теме из фонда Национальной библиотеки имени С. Г. Чавайна:

1. Китиков, А. Е. Марий калык модыш / А. Е. Китиков. – Йошкар-Ола, 1990. – 60 с.
2.  Марий калык модыш-влак = [Марийские народные игры] / С. Д. Архипова ямдылен. – Йошкар-Ола, 2012. – 111 с.
3. Марий калык ойпого : хрестоматий / В. Т. Михайлов ямд. – Йошкар-Ола, 2011. – 358 с.
4.  Марийские народные игры / составитель Архипова Светлана Дмитриевна. – Йошкар-Ола, 2020. – 119 с. : ил.
5. Михайлов, В. Т. Марий калык ойпого = [Устное народное творчество мари] : туныктымо пособий = [учебное пособие] / В. Т. Михайлов. – Йошкар-Ола, 2012. – 310 с.
6. Петухова А. Н. Детский фольклор народа мари / А. Н. Петухова. – Йошкар-Ола, 2004. – 288 с.

Материал подготовила Миниахметова Л. И., ведущий библиотекарь отдела социально-экономической литературы