Шергакан йолташ-влак, ме таче тендам «Ит воштыл!» лӱман модыш дене палдарена.

Кӧ воштылаш йӧрата, тиде модыш годым тудлан чыташ йӧсырак лиеш. Вет молын кӱ гай пеҥгыдын коймышт годым воштылде лиеш мо?! Тӱҥалтышыште модшо-влак, икте-весыштын кугыварняштым кучен, йыр шогалыт. Тыге пуйто вакшкӱ лиеш. Чылан кече пӧрдмыла пӧрдыт: пуйто ложашым йоҥыштат. Вӱдышӧ почеш ойлат але муралтат:

– Мый вакшкӱм пӧрдыктем,

Ложашым йоҥыштем.

Кӧ эн ончыч воштылеш,

Кӧ эн ончыч шыргыжеш –

Мый чылаштымат ончем,

Саҥгажым пыч-пыч чӱчем!

Тьфу, тьфу, тьфу!

Тыге манмеке, чыланат шыпланат, нигӧ огеш мутлане, огеш тарваныл да огеш воштыл. Жап эртыме семын, воштылчыкын чытышыже пыта, да садет воштыл колта.. Тыгайжым тӱрлӧ семын «туныктат»: муралтен, кушталтен пуаш йодыт, але вӱдышӧ саҥгаж гыч чӱча!

Модса йолташда-влак дене, ешда дене пырля модса!

Вниманию читателей представляем список литературы по представленной теме из фонда Национальной библиотеки имени С. Г. Чавайна:

1. Китиков, А. Е. Марий калык модыш / А. Е. Китиков. – Йошкар-Ола, 1990. – 60 с.
2.  Марий калык модыш-влак = [Марийские народные игры] / С. Д. Архипова ямдылен. – Йошкар-Ола, 2012. – 111 с.
3. Марий калык ойпого : хрестоматий / В. Т. Михайлов ямд. – Йошкар-Ола, 2011. – 358 с.
4.  Марийские народные игры / составитель Архипова Светлана Дмитриевна. – Йошкар-Ола, 2020. – 119 с. : ил.
5. Михайлов, В. Т. Марий калык ойпого = [Устное народное творчество мари] : туныктымо пособий = [учебное пособие] / В. Т. Михайлов. – Йошкар-Ола, 2012. – 310 с.
6. Петухова А. Н. Детский фольклор народа мари / А. Н. Петухова. – Йошкар-Ола, 2004. – 288 с.

Материал подготовила Миниахметова Л. И., ведущий библиотекарь отдела социально-экономической литературы