Модыш шочмо калыкын историйжым, илыш-йӱлажым, озанлык пашажын ойыртемжым да кӧргӧ сынжым рашемдаш полша.
Мутлан, марий калыкын могай пашам ыштен илымыж нерген «КӦГӦРЧЕН ЙОЛТАШ, КАЛАСЕ!» («ДРУГ НАШ ГОЛУБЬ, РАССКАЖИ!») модыш палдара.

КӦГӦРЧЕН ЙОЛТАШ, КАЛАСЕ!
Йоча-влак кокла гыч кӧгӧрченым ойырат. Кӧгӧрчен эн покшеке шогалеш. Йоча-влак оҥгым ыштен шогалыт, тӱшкан мурат да мурышто ойлалтмым ончыктат.
 

Йоча-влак ойлат:
– Кӧгӧрчен йолташ,
Каласал тый мыланна:

Кушто пырчым ӱдылдат,
Кузе пырчым ӱдылдат?
 

Кӧгӧрчен вашешта:
–Теве тыште ӱдылдат!
Теве тыге ӱдылдалт!
Теве тыште ӱдылдат!
Теве тыге ӱдылдалт!
 

Йоча-влак ойлат:
– Кӧгӧрчен йолташ,
Каласал тый мыланна:

Кузе пырчыже кушкеш,
Кузе тудо пеледеш?
 

Кӧгӧрчен вашешта:
Теве тыгерак кушкеш,
Теве тыге пеледеш.
Теве тыгерак кушкеш,
Теве тыге пеледеш.
Модыш икмыняр гана пачашлалтеш. Тыгодым кажне икшыве кӧгӧрчен лийын шукта. Икшыве-шамыч тиде модыш годым тӱшкан ойлаш тунемыт.

 

1. Китиков, А. Е. Марий калык модыш / А. Е. Китиков. – Йошкар-Ола, 1990. – 60 с.
2. Марий калык модыш-влак = [Марийские народные игры] / С. Д. Архипова ямдылен. – Йошкар-Ола, 2012. – 111 с.
3. Марий калык ойпого : хрестоматий / В. Т. Михайлов ямд. – Йошкар-Ола, 2011. – 358 с.
4. Марийские народные игры / составитель Архипова Светлана Дмитриевна. – Йошкар-Ола, 2020. – 119 с. : ил.
5. Михайлов, В. Т. Марий калык ойпого = [Устное народное творчество мари] : туныктымо пособий = [учебное пособие] / В. Т. Михайлов. – Йошкар-Ола , 2012. – 310 с.
6. Петухова А. Н. Детский фольклор народа мари / А. Н. Петухова. – Йошкар-Ола, 2004. – 288 с.
Материал подготовила Миниахметова Л. И., ведущий библиотекарь отдела социально-экономической литературы