МАРИЙ КАЛЫК МОДЫШ. «ГОП!»

23.04.2024 | 40 просмотра(ов)

Моло калык семынак марий калыкынат тӱрлӧ модышыжо шуко уло. Кӧ модыш-влакым шонен луктын? Молан? Вашмут икте: нуным калык паша йыжыҥешыже шочыктен, курымла мучко пужарен да чаткаҥден, илышыжлан келыштарен.

Изи икшыве, самырык да кугыеҥ, модыш деке шӱмаҥын, шочмо йылмыжым, шочмо кундемжым йӧраташ тунемеш, тыгак шке кап-кылжым да уш-акылжым шуарен шога.

Шергакан йолташ-влак, ме таче тендам «Гоп!» лӱман модыш дене палдарена.

Тиде модышлан шукырак ӱдыр-рвезе погына гын, утларак оҥай. Мо дене сайже: тудын дене шогенат, йыр шинчынат модаш лиеш.

Икымше еҥ манеш:

– Икте!

– Кокыт! – весе манеш.

– Кумыт!

– Нылыт!

– Визыт!

– Кудыт!

– Гоп! – шымше еҥ «шымыт» манме олмеш «Гоп!» манеш.

– Лу!

– Латик!

– Латкок!

– Латкум!

– Гоп!

14 шымытлан пайлалтеш.

Умылтарымаш: 7 дене тӱҥалеш 70, 7 дене пыта 17, шымытлан пайлалтеш 21 гын, тыгай годым «Гоп!» олмеш йоҥылыш цифрым ойлышо еҥ модыш гыч лектеш.

Модыш гыч ик еҥ лекмек, угычын шотлаш тӱҥалман. Тыге модшо-влак эре шагалемыт. Модышышто кӧ ик ганат йоҥылыш ок ойло, тудо сеҥа.

Модса йолташда-влак дене, ешда дене пырля модса!

 

Вниманию читателей представляем список литературы по представленной теме из фонда Национальной библиотеки имени С. Г. Чавайна:

  1. Китиков, А. Е. Марий калык модыш / А. Е. Китиков. – Йошкар-Ола, 1990. – 60 с.
  2.  Марий калык модыш-влак = [Марийские народные игры] / С. Д. Архипова ямдылен. – Йошкар-Ола, 2012. – 111 с.
  3. Марий калык ойпого : хрестоматий / В. Т. Михайлов ямд. – Йошкар-Ола, 2011. – 358 с.
  4.  Марийские народные игры / составитель Архипова Светлана Дмитриевна. – Йошкар-Ола, 2020. – 119 с. : ил.
  5. Михайлов, В. Т. Марий калык ойпого = [Устное народное творчество мари] : туныктымо пособий = [учебное пособие] / В. Т. Михайлов. – Йошкар-Ола, 2012. – 310 с.
  6. Петухова А. Н. Детский фольклор народа мари / А. Н. Петухова. – Йошкар-Ола, 2004. – 288 с.

 

Материал подготовила Миниахметова Л. И., ведущий библиотекарь отдела социально-экономической литературы

Mari