Шукерте огыл, пытартыш жапыште возымаште шке мастарлыкшым шуарыше, Ираида Букетова-Алвийын кокымшо книгаже ош тӱням ужын. «Помни своих, и не только…» савыктыш Ӧтӧгӧн тукымлан пӧлеклалтше авторын кокымшо пашаже. Книгам шергалмек, авторын ойлымашыже-влак дене пырля А. Александровын «Йогыландий» йомак-повестьше, Сайн-эрге Сайгелдын дневникше дене палыме лияш лиеш. Кугу верым фото-влаклан ойырымо. Пагалыме лудшына-влак, у книга дене С.Г. Чавайн лӱмеш калыкле книгагудышто палыме лийын кертыда.

Палемден кодыман, Ираида Букетова-Алвийын «Помни своих. Родословная» икымше книгаже 2018 ийыште «Марий Элын идалыкысе книгаже» конкурсышто таҥасен. «Лудшо-влакын йӱклымышт почеш» – посна премий да «Шочмо кундем нерген эн сай книга» номинацийыште палемдалтын.

Увертарымашым Книга палате пӧлкан пашаеҥже А.П. Пчёлкина ямдылен