Адресше: 424000, Марий Эл Республик,
Йошкар-Ола, Пушкин урем, 28-ше пӧрт.
Тел./факс.: (8362) 64-15-99
E-mail: nbmariel12@mail.ru
Паша жап: Шочмо – изарня: 9-00 - 19-00
Шуматкече, рушарня: 9-00 - 16-00
Кугарня: каныш кече
Марий Эл Республикысе «Марий национальный конгресс» мер толкын С.Г. Чавайн лӱмеш калыкле книгагудылан «Икымше тӱнямбал сарын шарнымаш книгаже» проект кышкарыште лукмо «Марий кундем 1914-1918 ийласе Икымше тӱнямбал сарыште» 300 экземпляр книгам пӧлеклен.
Шарнымаш книгашке Озаҥ губернийын Царевококшайск уездыштыже шочшо да Икымше тӱнямбал сарын участникше-влакын лӱмышт пурталыныт. Архив документ негызеш возалтын.
С. Г. Чавайн лӱмеш калыкле книгагудын краеведений пӧлкаштыже поэт, журнлист Михаил Иванович Якимовын (1929-1996) шочмыжлан 90 ий темме лӱмеш «Чоныштем – илыш сем» книга ончерым чумырымо. Книга ончер 10 февраль марте шуйна.
Пагален ӱжына!
С. Г. Чавайн лӱмеш калыкле книгагудылан 340 экземпляр «Марийский мир – Марий сандалык» журналым Валерий Александрович Мочаев пӧлеклен. Савыктышын шонымашыже – мер илышыште марий йӱлам, тӱвыра да сымыктыш тӱняште тӱҥ мероприятий-влакым, ялысе марий илышым, калыкын историйжым, кундемнан уста еҥышт нерген раш почын ончыктымаш. Журнал лудшо-влак дене руш да марий йылме дене кутыра. Ик эн ойыртемалтше ужашыже – марий калык нерген уло Российлан палдарымаш. Журналын тӱҥ задачыже – марий национальный толкыным вияҥден, калыкын илыш-йӱла ойыртемжым арален кодымо йодышым виктарен колташ да самырык тукымым шочмо йылмым, кугезе йӱлам пагалыме шӱлышеш куштымаш.
2018 ий теле тылзын 9-ше кечынже С. Г. Чавайн лӱмеш калыкле книгагудышто Марий тиште кече пайремлалтын. Ты кечым тӱрлӧ мероприятий-влак: марий тиштым сӱретлымаш, текстым писын лудмаш конкурс, сылнымут викториныште таҥасымаш да молат – сӧрастареныт.
С. Г. Чавайн лӱмеш калыкле книгагудын краеведений пӧлкаштыже Марий тиште кечылан (День марийской письменности) книга ончерым чумырымо. Книга ончер 20 декабрь марте шуйна.
Пагален ӱжына!
Мый, 9 ияш лиймекем, школышко тунемаш пурышым. Чыла буква-влакым кок кечыште пален пытарышым, Кавриш Элексей, кӱтӱзӧ, ончыктыл пуыш. Школышто 4 ий тунемым. Вара 1902 ийыште Унчышко (Уньжинская центральная черемисская школа) тунемаш кайышым. Тушто кок ий тунемым. 1904 ийыште Озаҥысе семинарийышке тунемаш пурышым. Почеламутым семинарийын 1-ше классыште тунеммем годым возаш тӱҥальым. Эн ончыч Ушинскийын «Летом» манме почеламутшым рушла гыч марлашке савы- рышым.
С. Г. Чавайн лӱмеш калыкле книгагудын краеведений пӧлкаштыже писатель-классик, туныктышо Никандр Филиппович ИЛЬЯКОВЫН (1913-1967), шочмыжлан – 105 ий темме лӱмеш («Ӹлымыжы годымок классик маныныт») книга ончерым чумырымо.
Книга ончер 25 ноябрь марте шуйна.
Пагален ӱжына!
С. Г. Чавайн лӱмеш калыкле книгагудын краеведений пӧлкаштыже марий калыкын автономный областьшым ыштыме нерген декретым лукмо кечылан (1920) «Цвети, мой край мари!» книга ончерым чумырымо.
Книга ончер 15 ноябрь марте шуйна.
Пагален ӱжына!
С. Г. Чавайн лӱмеш калыкле книгагудын краеведений пӧлкаштыже писатель-классик, журналист, кусарыше М.Шкетанын (Яков Павлович Майоров) (1898-1937) шочмыжлан – 120 ий темме лӱмеш «Ойпогыжо – курымаш, нигунам ок тоштем» книга ончерым чумырымо.
Книга ончер 15 ноябрь марте шуйна.
2018 ий 25 октябрьыште 16-00 шагатлан С. Г. Чавайн лӱмеш калыкле книгагудын конференц-залыштыже «Марий краевед» клубын черетан погынымашыже лиеш. Тудо Самырык-влакын коммунист ушемыштлан 100 ий теме лӱмеш пӧлеклалтеш. Нунын икымше погынышт 1918 ий 29 октябрьыште почылтын. Лач тиде кече комсомолын шочмо датыжлан шотлалтеш.
