Унчо – финно-угор тӱнян тӱвыра рӱдолаже

07.02.2019 | 548 просмотра(ов)

С. Г. Чавайн лӱмеш калыкле книгагудын краеведений пӧлкаштыже «Унчо – финн-угор тӱнян тӱвыра рӱдолаже» ончерым чумырымо.

Ӱмаште, вӱдшор (апрель) тылзын 7-10-шо кечылаште,  Эстонийысе Обиница селаште финн-угор калыкын II форумышт эртен. Тушто 2019-ше ийыште «Финн-угор тӱнян тӱвыра рӱдолаже» лӱмым налшашлан тӱнямбал кӱкшытан конкурс лийын. Ты чап лӱмым Унчо села сулен налын. Тачысе кечылан тыгай лӱмым вич ял ден олалан: Удмурт Республикысе Быги ялллан (2014), Обиница селалан (2015), Венгрий гыч Искасентдьерт яллан да Веспрем олалан (2015), Карелийысе Вокнаволок яллан (2017) – пуымо.

Унчо села Морко дечын 38 уштыш ӧрдыжтӧ верланен, Йошкар-Ола марте – 149 уштыш. Унчо покшелне, корнывожышто, меҥге шога. Тиде пале (символ) шочмо мландыш, тукымвожын чон шепкашкыже уло финн-угор калыкым пырля лияш ӱжеш. Айдеме кеч-мыняр торашке кая гынат, шочмо пыжаш, шочмо кундем чонышто кодеш. Керек-мыняр жап эртымек, чон ӱжмӧ годым чыла могыр гычат тиде ныл корно дене кеч ик кечылан шочмо верышкыже кажне еҥ вашка.  Тидын нерген да тыгак Унчо илем да тушто илыше калык нерген возымо уверым книга ончерыштына муын, лудын кертыда.

Идалык мучко Унчо кундем шуко унам вуча, калык ӥула дене кылдалтше тӱрло пайремым эртара. Тыгай увертарымаш дене лудшо-влакым палдараш тӱҥалына.

Ончаш кумылан-влакым пагален ӱжына (3-шо этаж, 65-ше пӧлем).

Mari