Родо-тукым улына

16.10.2018 | 590 просмотра(ов)

… Ме чылан улына лишыл родо,

Акрет тукым ик ойыш ӱжеш.

Йылмынам, йӱланам она мондо –

Финн-угор калыкна вияҥеш…

Александр Петров

Пеш шукерте ожно Юл эҥер гыч Урал курык марте акрет калык илен. Тудым кызыт финн-угор калык маныт. Тиде лӱм ты тӱшкаш пурышо кок кугурак калыкын – финн да венгрын (вес семынже нуным угор маныныт) – лӱмышт гыч шочын. Финн-угор кугезе калык ончыч ик верыште илен, ик йӱлам кучен. Но эркын кыл лушкен, илен-толын, тӱрлӧ калык шарлен: финн, венгр, эстон, марий, мордва, удмурт, коми, карел, хант, манси, вепс, ижор, водь, лив, саам. Нуно чыланат родо-тукымлан шотлалтыт да йылмыштат ик тӱшкаш, ик ешыш пурат.

Октябрьын кумшо арняштыже финн-угор калык-влакын родо кыл пайремышт эрта. Тиде амаллан кӧра нунын эртыме корнышт, тӱвыра, кидпаша, йӱла да моло ойыртемышт нерген С.Г. Чавайн лӱмеш калыкле книгагудын краеведений пӧлкаштыже книга ончерым чумырымо.

Пагален ӱжына!

 

 
 

 

 

 

 

 

 

 

Mari