«Мый улам уныкаже Онарын…» марий йылме дене квест темла

24.04.2019 | 562 просмотра(ов)

С. Г. Чавайн лӱмеш калыкле книгагудын краеведений пӧлкаже вӱдшор тылзын 25-ше кечынже Марий талешке кечылан пӧлеклалтше «Мый улам уныкаже Онарын…» марий йылме дене квестым темла.

Тиде квест йоча-влакым марий калыкын талешкыже-влак деч посна  калыкнан историйже, йӱлаже да тӱвыраже дене палдара.

Квест-модыш 4 этап гыч шога. Вес семын ме нуным станций манына. Кажне вере йоча-шамычым оҥай йодыш-влак вучат. Нуно писатель-влакын лӱмыштым, марий тиштын вияҥ толмо корныжым, родо-тукым кылым палышаш улыт. Тыге кажне чын вашмутлан да вес станцийышке куснашлан Марий Эл Республикын картшын ик ужашыжым да Онар патырын вургемже але арвержым модын налман. Тидлан 10-15 минут жап ойыралтеш. Мучашлан тунемше-влак коклаште Онарын уныкажым палемдена. Чыла йодышым марий калыкын илышыже дене кылдыме.

Модыш тӱҥалтыште йоча-влак Онар патыр нерген легендым тӱткын колыштыт. Тунемше-влак «Онар мланде», «Сылнымут аршаш», «Тиште алан», «Родо-тукым тӱня» станцийла гоч корным эртат.

Лекше йодышым ончылгоч (8362) 56-60-27 телефон дене рашемдаш кӱлеш.

Mari