«Марий краевед»

23.01.2018 | 453 просмотра(ов)

1 февральыште 16-00 шагатлан С. Г. Чавайн лÿмеш кугыжаныш книгагудын краеведений пӧлкаштыже «Марий краевед» клубын 30 ияш лӱмгечыжлан пӧлеклалтше погынымаш лиеш.

«Марий краевед» клуб 1988 ий 28 январьыште книгагудын краеведений пöлкаже пелен шочын. Шке йырже шочмо кундемнам йӧратыше, тудын верч тургыжланыше шанчыеҥ, туныктышо, журналист, писатель, тоштер да книгагудо пашаҥ-влакым, икманаш, творческий шӱлышан интеллигенцийым ушен шога. Икымше кече гыч тӱҥалын тачысе кече марте клубым Марий кугыжаныш университетын профессоржо, историй наука доктор, книгагудын Чаплӱман лудшыжо Ксенофонт Никанорович Сануков вуйлата. 

Клубын погынымашышкыже толшо-влак марий калыкын историйже, наукыжо, мер политик да тÿвыра илышыж дене кылдалтше йодыш-влакым рашемдат. «Марий краевед» клубын чылаже 112 погынымашыже эртен. Лÿмгечылан пöлеклалтше погынымашыш клубын участникше-влак деч посна писатель, историк, шанче пашаеҥ, студент-влак толыт.

Кумылан-влакым пагален ӱжына!

Mari