Книга палате пӧлка

29.01.2018 | 575 просмотра(ов)

«Книга палате пӧлка» - С.Г. Чавайн лӱмеш калыкле книгагудын ик эн самырык пӧлкажлан шотлалтеш.

Ондак тудо краеведений пӧлкан кугыжаныш библиографий сектырже лийын. 2008-ше ий пургыж тылзын 1-ше кече гыч посна пӧлка семын пашам ышташ тӱҥалын.

«Книга палате» савыктыш архивын функцийжым шуктен шога. Тыште 1959-ше ий гыч тачысе кече марте чылаже 286 тӱжем наре экземпляр книга, газет, журнал, ното, изобразительный, картографий савыктыш, тыгак афише да плакат-влак аралалтыт. Кажне ийын пӧлка 3-4 тӱжем наре у савыктыш произведенийлан ешаралтеш. 

2017-ше ийыште Марий Эл Республикын савыктыш архивше 2 963 обязательный экземплярлан пойдаралтын:

Книга ден брошюр – 358 (тышеч 39 экземпляр марий йылме дене);

Бюллетень – 33;

Ното – 1;

Изоизданий – 15;

ЛУС – 16;

Журнал – 204;

Газет – 2336

С.Г. Чавайн лӱмеш калыкле книгагудын «Книга палате» пӧлкан Марий Эл Республикын книга савыктыш шотышто уверже

Книга (2017-ше ийыште савыкталтын да пурен, экз.) 299
олык марий йылме дене 27
курык марий йылме дене 14
руш йылме дене 258
йоча савыктыш 13
учебник 4

2017-ше ийыште Марий Эл Республикыште книгам савыктымаште марий йылмым кучылтмо нерген увер

Савыктыш-влак Книга чот,
олыкмарий наречий/курыкмарий
наречий
Чумыр тираж (экз.)
олыкмарий наречий/курыкмарий
наречий
Книга, брошюр, буклет-влак 27/14 14712/2410
тышеч учебник, учебный пособий 1/1 5100/510
тышеч йоча савыктыш 6/1 3000/500

«Книга палате» 117 наре савыктыше организаций дене кылым куча – типографий, издательстве, тунемме тӧнеж, газет ден журнал редакцийла да т.м. Кажне кечын Марий Эл Республикын Роскомнадзор управленийышкыже обязательный экземпляр газет ден журнал-влак шотышто отчёт, тыгак кажне тылзын шке жапыштыже пӧлкашке толын шуктыдымо газет але журнал-влакын спискышт он-лайн режим дене колталтеш.

Пӧлкан тӱҥ пашаже:

савыктыш документ-влакым погымаш да аралымаш;

Марий Эл Республикыште лекше савыктыш-влакым регистрироватлымаш да кугыжаныш библиографий ден статистике уверым ямдылымаш;

массовый информаций средства-влаклан да савыктыш-полиграфий предприятийлан методический полышым пуымаш;

• «Марий Эл Республикын савыктыш курымсерышшым» ямдылымаш.

«Книга палате» пӧлка С.Г. Чавайн лӱмеш калыкле книгагудын тошто корпусшын 3-шо пачашыштыже, 97-ше каб. верланен, тел. 56-60-27, e-mail: kpalata@mail.ru.

Mari