Чап танык – эн сай пӧлка-влаклан

12.12.2019 | 55 просмотра(ов)

2019 ий 10 телыште Марий Эл Республикна Марий тиште кечым кумдан палемдыш. Тиде пайремым эртарыме кышкарыште Йошкар-Оласе Мер-политик рӱдерыште «Марий тиште кече» марий тӱвыра форум эртен. Мероприятийыште шанче, туныктыш, тӱвыра пашаеҥ, студент, тунемше, СМИ ден мер организацийын чолга еҥже-влакым ужаш лийын. Ӱжмӧ уна-влак коклаште С. Г. Чавайн лӱмеш калыкле книгагудын пашаеҥыштат лийыныт.

Марий Мер Каҥашын Чап таныкше дене марий калыкын ойыртемалтше, поян тӱвыражым, кугезе-коча-кованан йӱлажым, лывырге йылмыжым арален да вияғден шогымылан С. Г. Чавайн лӱмеш калыкле книгагудын книга фондым комплектоватлыше пӧлка ден калыкле краеведений сылнымут пӧлка палемдалтыныт.

Книга, газет, журнал дене республик кумдыкышто гына огыл, уло Россий мучко лудшо-влакым палдарымаш книгагудын пашаеҥже-влаклан ик эн тӱҥлан шотлалтеш.

Mari