Адресше: 424000, Марий Эл Республик,
Йошкар-Ола, Пушкин урем, 28-ше пӧрт.
Тел./факс.: (8362) 64-15-99
E-mail: nbmariel12@mail.ru
Паша жап: Шочмо – изарня: 9-00 - 19-00
Шуматкече, рушарня: 9-00 - 16-00
Кугарня: каныш кече
С. Г. Чавайн лӱмеш калыкле книгагудын краеведений пӧлкаштыже Пеледыш пайрем кечылан пӧлеклалтше книга ончерым чумырымо. Книга ончер 27 июнь марте шуйна.
Пагален ӱжына!
С. Г. Чавайн лӱмеш калыкле книгагудын краеведений пӧлкаштыже музыкант, Марий филармонийын сар ийласе фронтовой концертный бригадыжым вуйлатыше, Марий АССР-ын заслуженный артистше, Марий АССР-ын калык артистше Павел Степанович Тойдемарын (Стекольщиков) (1899-1958) шочмыжлан – 120 ий темме лӱмеш («Лӱмжӧ эре калык коклаште») книга ончерым чумырымо.
Книга ончер 30 июнь марте шуйна.
С. Г. Чавайн лӱмеш калыкле книгагудын краеведений пӧлкаштыже писатель, Марий АССР-ын калык писательже, Марий АССР Кугыжаныш премийын лауреатше Аркадий Степанович Крупняковын (1919-1994) шочмыжлан – 100 ий темме лӱмеш («Акпарс кундемын мурызыжо») книга ончерым чумырымо. Книга ончер 1 июнь марте шуйна.
Пагален ӱжына!
Вӱдшор тылзын 25-ше кечынже С. Г. Чавайн лӱмеш калыкле книгагудын краеведений пӧлкаштыже Марий талешке кечылан пӧлеклалтше «Мый улам уныкаже Онарын …» марий йылме дене квест-модыш эртаралтын.
Тушто Йошкар-Оласе 14-ше номеран гимназийын 5-ше классыштыже тунемше-влак модыныт. Квестыш 19 йоча ушнен.
С. Г. Чавайн лӱмеш калыкле книгагудын краеведений пӧлкаже вӱдшор тылзын 25-ше кечынже Марий талешке кечылан пӧлеклалтше «Мый улам уныкаже Онарын…» марий йылме дене квестым темла.
Тиде квест йоча-влакым марий калыкын талешкыже-влак деч посна калыкнан историйже, йӱлаже да тӱвыраже дене палдара.
С. Г. Чавайн лӱмеш калыкле книгагудын краеведений пӧлкаштыже актер, Марий АССР-ын сулло артистше да калык артистше, Марий Эл Республикын Кугыжаныш премийжын лауреатше Андрей Андрианович Андриановын (1939-2010) шочмыжлан – 80 ий темме лӱмеш («Сценыште – нылле вич ий) книга ончерым чумырымо.
Дьяков Иван Дмитриевич С. Г. Чавайн лӱмеш калыкле книгагудылан шкенжын возымо «Марий мландын киндыже» 250 экземпляр книгажым пӧлеклен.
2019 ий вӱдшор тылзын 13-шо кечынже республикын тӱҥ книгагудын конференц-залыштыже савыктышын презентацийже эртен.
Книган авторжо уло ӱмыржым Марий АССР - Марий Эл Республикын ялозанлыкшым вияҥдарен колтымылан пӧлеклен. Тудо Параньга, Шернур районласе ялозанлык органлаште, мланде пашам виктарыме шотышто Марий Эл Республикын комитетыштыже пашам ыштен. «За освоение Нечерноземья» медаль, Марий Эл Республикын Чап таныкше дене суапландаралтын.
2019 ий вӱдшор тылзын 11-ше кечынже Шернур районысо каныме да тӱвыра рӱдерыште, 1-ше №-ан Шернур кыдалаш школышто кумдан палыме киноактёр да марий поэт Иванов Кирилл Ивановичын – Йыван Кырлан шочмыжлан 110 ий темме лӱмеш «Эртыше да кызытсе саманысе илыш, тӱвыра да туныктымо паша» темылан пӧлеклалтше VI Республик кӱкшытан «Йыван Кырла лудмаш» шанче-практике конференций эртен.
Пленарный заседаний деч ончыч конференцийын участникше-влакым В. М. Васильев лӱмеш йылмым, сылнымутым да историйым шымлыше марий институтын директоржо Евгений Петрович Кузьмин саламлен, Йыван Кырла лудмашын кӱлешлыкшым палемден.
2019 ий вӱдшор тылзын 8-ше кечынже С. Г. Чавайн лӱмеш калыкле книгагудын конференц-залыштыже «Марий краевед» клубын 117-ше погынымашыже эртыш. Клуб Театр идалык да М. Шкетан лӱмеш Марий калыкле драме театрын 100 ияш лӱмгечыжлан пӧлеклалте.
Клубын вуйлатышыже Алексей Максимович Клёнов погынымашым почо, республикыште краеведений паша нӧлталалтым палемдыш.
